احنا العروبة للشاعر يحيى المنياوي
احنا العروبة..
لكن كدابين
العركة منصوبة..
وكلنا شايفين
حرب ودمار وابادة
وكالعادة احنا
فى العسل نايمين
سامعين صوت القتل
صوت الدمار
لكن ودن من طين
وودن من عجين
احنا العروبة..
لكن كدابين
الظلم ساد
فوق رؤوس العباد
أرواح شهداء
تصرخ بطون الوفاء
مافيش طعام ولا حتى ماء
الأرض رافضة تشرب دمهم
رافضة الدماء
رافضة الذل
طل الشر .. فرق لمتنا
فين راحت نخوتنا
فين راحت عروبتنا
لما كنا وكان..
اسألوا الزمان
اسألوا السنين
ليه قلوبنا بقت حجر
ليه مش بتبكي العينين
احنا العروبة..
لكن كدابين
بقلمي / يحيى المنياوي
تعليقات
إرسال تعليق