جرحي كبر للشاعر د.سيد محسن الموسوي
(( جرحـي..كبـر ))
محني الظهر...گلبي انفطر
لا حيل عندي........ولا نظر
انحب واوّن كلي ألم
اتذكر.......... الماضي ابقهر
لا من محب ولا من ربع
ولا منهم لصوبي.......حضر
لا صـاحب الـعنّي سـأل
ولا ورد.........من عنده خبر
اتحسرت..ابعالي صحت
شنهو الجره ..وصاب البشر
ميّاله.. وي ميل الهوه
ما تعرف..... اشيخفي الدهر
ما تدري لو أجفه يضر
جفواته.............تكسر للحجر
عالحايط آنه أتگربت
وعصاتّي..........لازمها ابحذر
اتمشيت بأجدامي اخط
اتـنشد.................المـّر وعبر
شنهو الجره وصاب البشر
وكل السِمع..............مني نِفر
نِشدي يغث
حگهم گلت
خادمهم................ابـماله كبر
غم هالـدهر علـّه النذل
وللما عرف گدره............نِصر
والـزين مهموم ويـوّن
صبره نِفـذ..........كلشي خسر
رديت واعيوني اتهمل
جرحي كبر............نزفـه كثر
ناشدت روحي ابدمعتّي
دهـري جفه..........لسيفه شهر
ردت عليّ..هم اسمعت
امبلل ايخـاف....... من المطر
ابكل اليجي ميـّة هلـه
الـمكتوب..............ما مِنه مفر
سيد محسن الموسوي
تعليقات
إرسال تعليق