مشتاك إلك للشاعر د.سيد محسن الموسوي
(( مشتاگ إلك ))
يعمري ومهجتي وروحي
ياظِلي المـا جفاني ابيوم
يـا نبض وشغـاف الـدگ
يا شوگه........اليـودّك دوم
يا حلم...الفرحالي العين
وتراوالي.......ابحلاة النوم
يـاطبي........ودواي انته
يا بلسم...... شفه المسگوم
مغرم........حگي من إبغيك
أبجيتك.......ما تظل اهموم
يوافي الوعد.........يمعدّل
يالغالي..... الما گدرلك سوم
توسد زندي.......يا روحي
احضنك......ما أظل محروم
خفاگي........... إلك موطن
نصيبك صار....... والمقسوم
وانفاسي........... إلك ترخص
إفديهــا...............ولا مندوم
اعاند...........وإحزِن الشمات
واجعل زادهم..............زقوم
سيد محسن الموسوي
تعليقات
إرسال تعليق