يكلّي ارتاح للشاعر سيد محسن الموسوي
(( يگلّي ارتاح ))
يگلي ارتاح...امنين ارتاح
والاسود صبحلي إوشاح
انباگت ضحكتـّي ابــغفله
لا عيــــد البـگه وافـــراح
ألهّـم بـــالصبـر......مالــوم
والذكــرى صفتلّي اشبـاح
اگـضّي الليــل بـالآهــــات
رفِجتي الونّه كل مصـباح
داسـو عــالــورد يـا حـيف
مـا ظـل رازقــي وقـــداح
ريــحة حـزن آنـــه اشّــتم
مـا اشتم عـطــر فـــــواح
وغِصنـي ذِبلـت اوراگـــــه
يـا حيــف وآنــه الفــــلاح
ومركب عِـشرتّي غرگان
وامـغرگـه الـصِبـح مـلاح
عـايـش احــرگ ابـروحــي
وبـنوحـي صــرت صــدّاح
اصيـحن ولــفـي چــتالــي
يـتمسخر علـــيّ مـرتـــــاح
رادانــي حـطــب لـــجـفـاه
ويصير الــلاهب وجـــداح
شيفيــد الــــندم واللـــــوم
والأودّه صفـه السـفـــاح
شرجــه مـن الطلــع بـــذات
اعــوج مـا ينـفعـه إصــلاح
عفــت الـعشـگ والـما بـيه
سگيــم وآنـه كلـي إجــراح
مـبعد عــالــعشگ مـجبـــور
بـلچن يــوم انســـه الـــراح
سيد محسن الموسوي
تعليقات
إرسال تعليق