فرصة ما تتعوضش للشاعر د.عبدالحميد وهبه
( فرصة ماتتعوّضش)
سنين عدّت وأنا جانبك وراها سنين
تروح وتسيبني وما أقولّكش رايح فين
خلاص الماضي كان فترة خِلص دورها
و م اليوم ده لازم تعرف خلاص أنا مين
أنا الفرصة اللي لو ضاعت ماتتعوِضش
وأنا الذكرى اللي لو فاتت ماتتكررش
فحافظ يعني ع الفرصة وع الذكرى
وحاول يعني تتعلّم وماتغلطش
أنا العمر اللي لو عدّى مالوش تكرار
وأنا القلب اللي كان مفتوح في ليل ونهار
أنا الفرصة لو ضاعت في يوم منك
عليها هتبكي طول العمر بإستمرار
فيه ناس الحب يبقى معاها ماتشُفهوش
ومهما القلب عاش يخلص مابيحسّوش
عشان القلب جواهم أكيد ميت
فعاشوا العمر دايماً ياخدوا ولا يدّوش
دي ناس إنت أكيد يعني واحد منهم
في موت القلب والإحساس بتشبهّم
ماتفرقشي أكيد يعني كتير عنهم
دي ناس واللهِ م الآخر مايتعاشروش
بقلمي عبدالحميد وهبه
تعليقات
إرسال تعليق