ميجنا وعتابا للشاعر د. محفوض محفوض
ميجنا و عتابا وغنية..
~~~~~~~~~
ميجنا و يا ميجنا و يا ميجنااااا
شكيتك ل الله شو تحبي عزابناااااا
قلبي ع درب ولفي تمرمر
وكاسي الحلو من بعدو تمرمر
قالت:
متی ماشئت من حيي تمر مر
مرقت شفت الدار ماشفت الحبااااااب..
.
أغنية :
بندهلك ما بتردي و منتمنی شوفك حدي
بيظهر لو شفتي غرقان إيديكي ما بتمدي.. ما بتمدي . .
بتمشي شرق بتمشي غرب مابتمشي دغري مشيك ورب
قلبي من جورك مهموم شو بدو يتحمل هالقلب بدي أعرف حالي وين و نايم ع أي مخدة.. أي مخدة. .
قالت :
بعملك زندي مخدي بس عليي تهدي..
لأن عم تكذب قاطعتا وقلتلا:
عملتي بحياتي إعصار و عقلي من ظلمك جن وطار و مسوسح ما بين الأقفار كنتي هناي وسعدي . .
من صدك قلبي تعبان وسايح بالدنيا و هيمان
عم شوفك بوجوه كل النسوان ومتمنا عليي تردي.. علي تردي. .
ياما سهرنا ليالي وكنتِ رجفة موالي
و هلق كبرة/ا وتعالي
رح شن عليكي حروب الردة... حروب الردة . .
بقلمي
محفوض أبو فراس
لحن الأغنية و مقدمتها من الفلكلور الشعبي السوري .
تعليقات
إرسال تعليق