خمر القوافي للشاعر د.محفوض محفوض
خمر القوافي . .
~~~~~~~~~~~
قلتلا :
بشعر بين قلبي و أضلعي
قوة خفية بتجبرك تبقي معي
عقلبي بتقدري تنزلي من العينتين
لكن إذا نزلتي ما عاد فيك تطلعي .
قالت :
معك يا ولف رح كمل المشوار
وبدي عتمك أطبع قبلة شفافي
و الليلة بدي أكتوى بالنار
و رح أسكب عليي جسمك الدافي
قلتلا :
خمر القوافي حضر الأقداح
وساعي الغرام اختار مرسالك
وانا بفهمك من عطرك الفواح
أكتر ما أنتِ بتفهمي حالك .
قالت :
عيني سحرها الحب حتى تلمحو
وقلبي معك تأنا عليه أوعا تجرحو
لا العين ألها عين ترجع فاضية
ولا القلب عندو قلب يترك مطرحو.
قلتلا :
بتتذكري قديش كانت حبة العناب
وعكل تم وخد تطبعنا
ومع كل قبلة حب خلف الباب
تقولي ياخوفي تجي أمي وتقشعنا.
قالت :
جمعنا التمتمة/ي حبة/ي وحبة/ي
ودفاتر حبنا الماضي نبشنا
ختيرنا. .
و يا خوفي مانحسن دعوة الرغبه نلبي
صراخ الجوع للرغبة طوشنا. ٠
ضميتا قالت بشويش . . . . .
٠
٠
٠
محفوض محفوض .
تعليقات
إرسال تعليق