حُب بالألوان للشاعر د.عبدالحميد وهبه
( حُب بالألوان )
شُفت الحُب إزاي بيغَيّر
ويعيّشنا معاه في سعادة
طبع الحُب ده أصلُه يحيّر
حاول تخطف منُه زيادة
يعني ياريت على قد ما تقدر
عيش الحب بدون ما تفكّر
الإحساس مش راح يتكرر
والأيام مش ليها إعادة
شفت الحب إزاي بيغَيّر
ويعيّشنا معاه في سعادة
شُفت الحب بيعمل إيه
بيخلّينا معاه طايرين
نعشق نسهر نفرح بيه
ويغيّرنا في غمضة عين
بيخلّينا نشوف الدنيا
دايماً يعني بالألوان
ويخلّينا نعيش الثانية
عمر إتنين وتلاتة كمان
لمّا تعيش الحب من قلبك
هتحس فعلاً بالتغيير
واللي هواك من قلبُه وحبّك
نفسه أكيد ياخدك ويطير
ويروح بيك طبعاً لبعيد
كل ما يلقى الحب بيزيد
هيحب من أول وجديد
أصل الحب ده عنده عبادة
شفت الحب إزاي بيغَيّر
ويعيّشنا معاه في سعادة
بقلمي عبدالحميد وهبه
تعليقات
إرسال تعليق