خسارة قريبة للشاعر د.عبد الحميد وهبه
(خسارة قريبة )
هنحاول على قد ما أمكَن
نبعد وبلاش يعني نقرّب
ومافيش قدامنا أكيد طبعاً
شئ أسهل م الحل الأصعب
وخسارة قريبة لمشاعرنا
أحسن ما نجازف ونكمّل
وقِدِرنا ولاّ مش قِدِرنا
نصبر ونحاول نتحمّل
نتحمّل على قد ما نقدر
وف بعض بلاش تاني نفكّر
وياريت أنا وأنت بقى نكرر
نبعد م الحب بقى ونهرب
هنحاول على قد ما أمكَن
نبعد وبلاش يعني نقرّب
لو كنت في يوم عامل إنك
مش واخد بالك أو شايف
صدقني ما هأقبل يوم منك
لو كام مليون كلمة آسف
والوضع أكيد بالنسبالك
لو كنت أنا عنك مشغول
أو جيت ما سألتش عن حالك
مين فينا هيبقى المسئول
نتحمّل على قد ما نقدر
و ف بعض بلاش تاني نفكّر
وياريت أنا وأنت بقى نكرر
نبعد م الحب بقى ونهرب
هنحاول على قد ما أمكَن
نبعد وبلاش يعني نقرّب
بقلمي عبدالحميد وهبه
تعليقات
إرسال تعليق