آه منك يازمان للشاعر د.ميلاد المتني
باللهجة المصرية المحببة وددت أن أقدم هذه القصيدة التي تمثل الإطلالة الأولى لي بهذا اللون
/ آه منك يا زمان
/ شعر : ميلاد المتني
ماعرفش الزاي حبيتو
ولا عارف الزاي قابلتو
يمكن صدفة أو نار اللهفة
أو كان قلبي تايه ولقيتو
أو يمكن زماني هو اللي هداني
وف بحر عينيه الحلوة رماني
أو كان قدري اللي استنيتو
ومشينا المشوار
لاخدتني حيرة
ولا قلبو احتار
وقضينا ليالي الهوى
سهرناها وعشناها سوا
وآه يا عيني على أيامنا
وعلى أحلامنا واللي جرالنا
تهنا يا زمان وضاع الأمان
اللي كان منور ليالينا
ومالي الدنيا علينا
وآه منك يا زمان
شوف عملت إيه فينا
والنهارده تغيرنا ليه
واحترنا كده برضو ليه
أنا قلبي بقالو زمان
مش قادرة تنام عينيه
حيرة وخوف بقينا نشوف
هو احنا كده حاسين
ولا الفراق بيشاور ف أيديه
واتكتب علينا البعد
بعد هنانا وليل السعد
و بعد ما دبنا ف بحر الوجد
حبيبي يا غايب
يا أغلى الحبايب
إيه يجيبك لحضن
لحضن حبيبك
لو كان السهد وسهر الليل
يسهرلك رمشي ويستنى
لو كان الألم ودمع الويل
تبكيلك عيني ألف سنة
ولو أحلى غنوة وأجمل مواويل
أفضل أغني وانتا تمنى
وقد ما كان البعد طويل
حبك باقي في قلبي
تعليقات
إرسال تعليق