كنا لسه صغيرين للشاعر علي محمود السعداوي
،،،،،،،،،،،،، ( كنا لسه صغيرين ) ،،،،،،،،،،،
علمونا واحنا لسه صغيرين
ان كلمة أاااااااااه بتوجع
بس معرفناش ساعتها
الوجع بيكون لمين
كنا لسه صغيرين
بس لم كبرنا كنا
أول الناس إلى صرخت
والى قالت أااااااه بجد
والى جرح قلوبها أشد
يومها بس عرفنا قد ايه
كنا احنا يومها الموجوعين
بس مفهمناش ساعتها
كنا لسه صغيرين
علمونا أن أمك هى وطنك
لم نسمع صوتها نشبع
لم تدعى نقول أمين
علمونا نرسم الضحكة
على وشوش البشر
مهما كانوا هما مين
بس نسيوا يعلمونا
لم يجرح حد فيهم قلبنا
لم يسرق حد فيهم حقنا
لم يهدم حد فيهم حلمنا
لم نلقى الحق ضايع وسطنا
لم نلقى الظلم ساكن أرضنا
لم نحزن لم ينزل دمعنا
نروح لمين ونقول يامين
،،،،،،،،،، بقلمى/ الشاعر على السعداوى
تعليقات
إرسال تعليق