ما تنحنيش للشاعر عبدالحميد وهبة

(ماتنحِنيش )

ماتنحِنيش أبداً ولا تستسلمي

وإمشي فى طريقك زي ما أنتِ وكمّلي 

ولملّمي كل اللى باقي

 م الدموع ومن جروحك

لا تخلي حد يكسرِك 

ولا فيكي يقتل يوم طموحك

عيشي بخيالك الحقيقة وأحلمي

ماتنحنيش أبداً ولا تستسلمي

مدِّي إيديكى للقمر وأحكي اللي بيكي

خلّيه رفيقك في السهر شاهد عليكي

ماتنحنيش ولا تقبلي بالإنكسار

خليكي دايماً أنتِ  صاحبة القرار

خلّي الجميع يشهد بلحظة الانتصار

من غير ما حتى تشاوري أوتتكلّمي

ماتنحنيش أبداً ولا تستسلمي

كام مرة حاولوا يحبطوكي ويكسروكي

كام مرة حاولوا عن هوايتك يبعدوكي

خليكي دايماً أقوى منهم كلُّهم 

خليكي ذالّة وكاسرة دايماً نفسُهم

خلّي دموع الحسرة باينة في وشّهم 

وياريت من اللي راح وفات تتعلمي

ماتنحنيش أبداً ولا تستسلمي

بقلمي عبدالحميد وهبه

29/7/2023