الدنيا قطر ماشي للشاعر د.ابراهيم علي

٠٠【 تاتا تاتا 】٠٠

الدنيا قطر ماشي والتذكرة ببلاش

فيها اللي نزل ماجاشي واللي دوره مجاش

دنيا ياصاحبي ماشية والعمر واش ياواش 

تاتا تاتا يابيبي خطي عاش البيبي عاش

كبر البيبي بحلاوته إجباري بدون نقاش

دخل الطفل المدارس بعيد عن الإنكماش

وأصبح شاب وفارس وحس بإنتعاش

حب وأختار له زوجة ودايرة مانتتهاش

أولاده تكبر وهو يطلع ع المعاش

ويقف أمام مرايته يشعر بالإندهاش 

الراجل كان لسة بيبي والعمر دفعه كاش

والقطر لسة ماشي ودوره لسه ماجاش

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

إبراهيم علي