بحكم التعود للشاعر عبدالحميد وهبة

بحكم التعود

بقى نفسي أشوفُه وأسمعُه أنا كل يوم

وإن عدّى يوم ماقابلتهوش مابشُفش نوم 

زي القمر لو غاب شوية أو إختفى 

بشوف خيالُه وصورتُه مع كل النجوم 

ما أعرفش ده عند الجميع يبقى إسمه أيه

اللي أعرفه لو غاب شوية بحن لِيه

وإن عدّى وقت علّيا فيه ما سِمعت صوته 

بحس إني ببقى هتجنن عليه 

أنا نفسي أعرف ليه بيحصلى كده

وباقيت عليه فعلاً خلاص متعوّدة

ببقى ساعات عن كل ده نفسى أسأله 

بس بخاف وأرجع عشان مترددة 

بقلمي عبدالحميد وهبه

25/6/2023