المسحراتي للأديبة د.صفاء باسل
(المسحراتي)
مسحراتي وأنا لمهنتي غاوي
كل يوم ألف وأدور
أصحى يا نايم رمضان كريم
يلا أصحى من النوم
وأنوي الصوم
أصحى يا نايم
شغلتي مسحراتى
وعصايتي بإيدي
وطبلتي على صدري
أدق وأقول وأنادي
أصحى يا نايم
أصحوا من النوم
دا السحور بركه
ورمضان للحبايب مجمعين
أصحى يا نايم رمضاااااان كريم
إحنا فى ليالي سمحه
وأبواب السماء للدعاء مفتوحة
والدعوه مسموعه ولربك صاعده
إحنا في أيام مبروكه
أصحى يا غفلان أصحى
وأرفع أيدك للسما العاليه
إن ربنا يحفظ بلادنا
ويشفي كل مريض فينا
ويرزقنا من واسع فضله
ولا يحوج حد لحد فينا
ويفرح أولادنا ويسعد أيامنا
أصحى يا نايم
رمضاااااان كريم
بقلم
د.صفاء باسل
تعليقات
إرسال تعليق