مسحراتي أنا للشاعر د.إبراهيم علي
【 الجزء الأول 】
مسحراتي أنا
وشهر الكرم طاب لي
داير شوارع مصر
أدق على طبلي
مسحراتي أنا
أصحى يانايم
قبل أذان الفجر
قوم وحد الدايم
مسحراتي أنا
والأسم عم خميس
الطبل صوت دندنة
مش رامز جلال ولميس
ومسلسلات رمضان
والتوهة في الاحداث
ملعون ابو الاعلام
كابوس مامنه خلاص
عايزين إيمانا ينام
وتشتت الاذهام
والتقوى منا تضيع
ويفرحوا الأباليس
مسحراتي أنا
ومن شارع لشارع
أطبل على طبلي
موهوب أنا وبارع
وشهر الكرم طاب لي
أصحي كل الخلايق
قبل السحور مايفوت
الراجل يقوم فايق
والست بالميعاد مضبوط
والواد يقوم رايق
والبنت مودها كيوت
مسحراتي أنا
وحافظ أساميكم
أنده على محمود
وأدعيله بطيلة العمر
وانده على سامي
أبو العيون السمر
واحمد واسم غالي
والقلب يرتاح له
وخالد ابو قلب ابيض
المولى يصفح له
مسحراتي أنا
وأهل الكرم ناسي
وفي بالي كل الاسامي
والله مش ناسي
ناصر وهاشم وعادل
وعم فؤاد والخال
ومنذر وياسر حبايبي
ومحفوظ ياعال العال
مسحراتي أنا
أصحى ياانور ياسعدون
وياسيد المبروك صحي عم
غالون عماد وعمران وعاطف
وياسيد ياحسن يابو علي
تحياتي ليك مخصوص
يا سليمان العلي
استاذ هشام فرغلي
تملي على بالي
ينال الرضا من العلي
ودايما مقام عالي
مسحراتي انا
والقصر أهو طاب لي
وبصوتي بالموال
أدندن على طبلي
سمير واستاذة نوال
والدعوة من قلبي
٠٠٠٠٠٠٠٠٠٠٠٠٠٠٠
إبراهيم علي
تعليقات
إرسال تعليق