أحوال الناس للشاعر المبدع مصطفى الاسواني
رباعياااااااااااااااات
(أحوال الناس) بقلمي الشاعر مصطفى الاسواني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
في ناس عايشاها بالعافيه
وناس نواياها مش صافيه
وناس على الجراح صابرين
تبات طول ليلها صاحيه
وناس القرش ليه سيدها
وناس الخوف مقيدها
وناس تحسب حساب لسنين
وناسيه إني حتسيبها
في ناس بتبني وتعمر
وماس بتهد وتكسر
وناس من كتر اوجاعها
تبات سهرانه بتفكر
وناس بأيديها تدي كتير
وناس تعبانه صوت وضمير
وناس من كتر أطماعها
بتنسى حتى تدي فقير
في ناس في الدنيا قادره تمر
وناس في العيشه شايفه المر
وناس قلوبها حب وخير
وناس قلوبها شايله الشر
في ناس عايشاها مستمعه
وناس للحق مش سامعه
وناس عايشه بتظلم ناس
وناس في حقها مسامحه
٠٠٠٠٠٠٠٠٠٠٠٠٠٠٠٠وعجبي٠٠٠٠٠٠٠٠٠٠٠٠٠٠٠٠٠٠٠٠٠٠
تعليقات
إرسال تعليق