أهزج علن..عندي وطن للشاعر سيد محسن الموسوي
(( اهزج علن..عندي وطن ))
رغم البعد.....وجور الزمن
حبـه نِمه ..ابگلبي سِكن
وشما فعل..... بيـّه البعد
اهزج علن.......عندي وطن
بيه افتخر...... بين البشر
ابعِلمه شِمخ.... شرّع سِنن
آلآف من عمره....مضت
وزينـاته.......أبداً ما گِضن
واشما يمر.....بيه الخطر
ايهب ابعزم.....لاگه المحن
ما همتّه...... اگوام الغِزت
ولاهمتّه.........إخطار اللِفن
ببلادي.....مضروب المثل
ما سِكت....عن حقه وجبن
بركان.......لو صبره نفـذ
بنيران ينهض...... ما وهن
عنده زلم...غِيره وعزم
. حاميته ....من شر وفتن
ياربي احفظ...موطني
وشعبه الذي..ضحّه وإمِن
أبجاه النبي سيد الرسل
ابگلبي يظل...حب الوطن
سيد محسن الموسوي
تعليقات
إرسال تعليق