بين الحياة والموز للشاعر د.ابراهيم علي
[ بين الحياة والموز ]
لما كنا عيال علمونا الأحترام
علمونا التواضع والتسامح
ويعني ايه كلمة حرام
فهمونا ان الكبير هو السند
وإن الفروق خط أحمر
بين البنت وبين الولد
وفهمونا إن التعب بعده راحة
وإن الكلام على اللسان يتقال صراحة
وكتفونا بحبال المودة ايدين ورجل
وفهمونا إن الحزمة وردة وهي فجل
كرهونا في المكاسب لو سريعة
وعلمونا إن الشقاء هو الحياة
أما السعادة أحلام وضيعة
وإن نمشي جنب الحيطان فوق الرصيف
وإن نمدح كل شخص قوي وضعيف
عذبونا بذنوب جدودنا
قالولنا ايوه الدنيا واسعة
بس لازم نلزم حدودنا
جهزونا للإدارة المستحيلة
علمونا نعيش حياتنا بألف حيلة
حببونا في الجيران مهما كانت
علمونا نكون فيران لو عاركة قامت
ورثلنا الف قصة فيها الحكم والانزحة
وازاي قلوبنا قلب خصة وشيلونا حمار جحا
عودونا نعد المواقف عشان نعرف نرد
وإن نمشي واحدة واحدة وبلاش نمد
علمونا وفهمونا وعلبونا وللمواجع صدرونا
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
إبراهيم علي
تعليقات
إرسال تعليق