يمته تعود للشاعر د.زهير العسكري
السلام عليكم ورحمه الله وبركاته يشرفني أن أشارك معكم آخر قصيدة كتبتها من الشعر الشعبي العراقي واتمنى أن تنال إعجابكم بعنوان 👇🏻 👇🏻 👇🏻 👇🏻
(يمته اتعود)
يمته اتعود مو گلبي ذبل چن ذبله العنگود
يمته اتعود
يمته اتعود وآنه الناطرك حد ما أَطب الحود
يمته اتعود
يمنه اتعود مو طال الفراگ اسنين
والشجرة الزرعناها ثمرت تين
وحلفنا اول ثمرها انوكله لاهل الجود
يمته اتعود
لأن عدهم ضمير وچلمة الله ويا البخت موجود
يمته اتعود
واتذكر گلتلي ابيوم
إذا مره طمعت اعليك ذكرني
وأخذ هذا الوعد مني وثيقة اوعود
يمته اتعود
يمته اتعود مو مر العمر
والشيب غاطي الراس
وانته اولا خبر لا چلمه لا تبرير
لافعالك السَّوت بالگلب إِخدود
يمته اتعود
گضيت اغلب ايامي
اگعد ابفي شجرتي إلى زرعناها
وأكولن بلكت الله
اتهز ضميره العشره ذيچ الي گضيناها
على الحلوة والمرة
وذيچه الايام الصفره ويه السود
يمته اتعود
زهير العسكري
أكاديمية القصر الملكي 👑 للشعراء العرب
تعليقات
إرسال تعليق