حرامي قلوب للشاعر د.عبدالحميد وهبه
( حرامي قلوب )
جاي أقدم شكوى عامة
في اللي صعب في يوم يتوب
مهما يعمل من جرايم
ولّا يتحمّل ذنوب
شخص يعني كل ذنبه
الغرام ظاهر عليه
عشقه ساكن جوه قلبه
وصورته معكوسة ف عينيه
من بدايته ولنهايته
صعب تعرف إيه حكايته
شخص يعني أكيد هوايته
هي سرقة القلوب
جاي أقدم شكوى عامة
في اللي صعب في يوم يتوب
الصراحة وبإختصار
كله لازم ييجي يحضر
ويوافقني ع القرار
وإنّا نعمل ألف محضر
هو مين يعني اللي قال
سرقة القلوب حلال
أي حد يقولّي حاجة
ويجاوبني ع السؤال
لو حلال يسرق براحته
وقتها هنقول يا بخته
والسؤال اللي طرحته
شكله ملغي من المقرر
بقلمي عبدالحميد وهبه
تعليقات
إرسال تعليق