لعبة الشهادة للشاعر د.عبدالحميد وهبه
( لعبة الشهادة )
إحذروا بقى م النهاردة
جيل بيكبَر كل مادا
جيل أقل لِعبة عندُه
هي لِعبة الشهادة
يعني عندُه الموت ده عادي
لو هييجي من السعادي
هو مبسوط بِيه وراضي
أصلُه أصبح عندُه عادة
إحذروا بقى م النهاردة
جيل بيكبر كل مادا
إحذروا الجيل اللي جَّي
أصلُه عاش تحت الحِصار
جيل بجد مالوهش زَي
جيل مايعرفش إنكسار
حتى صوت الدبابات
والقذايف والشتات
كان مجرد صوتها عنده
زي عقرب الساعات
إوعوا حد في يوم يفكّر
ينسى يوم أحمد ياسين
الصُغّير صار بيكبَر
يومُه بيعدّي بيومين
حاولوا يعني تستّعِدّوا
للي جاي وللي بَعدُه
كل دول أجيال جديدة
تكمله لكل اللي عدّوا
إوعوا يوم تستّغربوا
ولّا منُه تقرّبوا
حاولوا يعني تهربوا
وإنسوا لحظات السعادة
إحذروا بقى م النهاردة
جيل بيكبَر كل مادا
بقلمي عبدالحميد وهبه
تعليقات
إرسال تعليق