قالولي أمك للشاعر د.ابراهيم علي
قالولي أمك قلت مالها
قالوا جاء ميعاد أجلها
وجملة واحدة فوق لسانها
نفسها تحضن عيالها
الدمعة نزلت فوق خدودي
زلزلت أركان وجودي
أمي اللي منها نبت عودي
شجرة عاليه واخواتي عيدانها
معقولة بتفارق حياتي
وهي الشجرة والطرح اتي
والزمن مرهون عشانها
أمي نايمة فوق سريرها
والبراءة تضوي جبينها
والسماحة ملفوفة في شالها
الذكريات مرت صورها
أمي اللي مافي شيئ كسرها
لأول مرة أشوفها عاجزة
أمام قرار مش قرارها
نديت عليها بعلو صوتي
وقلت لو عايزة تموتي
طب دنيتي مين قمرها
كنتي نسمة لعمر فات
كنتي قصة وحكايات
والحياة إنتي مدارها
كنتي بسمة في دنيا جاحدة
كنتي العالم وانتي واحدة
دلوقتي سيباني لدنيا
ماعرفش ليلها من نهارها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
إبراهيم علي
تعليقات
إرسال تعليق