فرصة عمر للأديب فادي ضو
فرصة عمر
إجت لحظة والموت قرّب
و كنت ودعت الدني ولحقت تتغرب
عضلة القلب وقفت ...
عملت فيها البطل والمغوار
قمت ومشيت لباب الدار
وعالمشفى كنت شايل حالك وجبّار
ومثل الهرقل
عملت قائد
تمسكت بالدنيا
وصرت رائد
حافظت على حياتك بدم بارد
أسعفت نفسك ...
بعدها الخير والسلامة جاك
فكرت كل من حولك يتمنى شفاك
طلع يامعتر الكل شكاك
متمني الفراق عنك
وبعد ماشفت غزرائيل
وحبابه
رجعت تعرف مين هن صحابك. وصحابه
طلع ربك بعد ما اختار
يحافظ على حياتك بزمن غدار
لتعرف شو جرى وشو صار
رجعت تعافر بدنيا كلها أشرار
وتظل تندم على هالنهار
كنت مغوار وقررت ترجع تعيش
إنت حر بلا أحرار
لاحدا يفهمك
ولاتنعم براحة بال
ويظل العتم بوجهك
ليل نهار
وياريتك لحظتها اختصرتها
وتركت القلب محتشي وقتها
كان ماطلع عليك نهار
ولا رجعت تفسر
لمن حولك
شو الزمن غدار
والقدر كله زرع
وتحصيل أقدار ...# فادي ضو #
تعليقات
إرسال تعليق