حلاوة اللسان للأديبة المبدعة خديجة باحو
حلاوة اللسان
الجرح يبرأ ويصير ملموم
وكلام العار يبقى فالقلب مرسوم
يا لي لسانك ماضي صون لسانك
قبل ما تنطق الكلمة تخرجها من غارك
كلمة تقدر تجرح وتكسر الخاطر
وكلمة تخلي الواحد بالفرحة طاير
ما تزرب ما تخرج العيب
ما تهضر على خوك فالغيب
صون لسانك يصونك
ردليه البال الا شي مرة يخونك
قل الخير ومن غيرو ما تذكر
وفكر ألف مرة عاد هضر
الكلام يكون زوين بالزهر معطر
كلام حلو عسل يتقطر
قل الخير يا إنسان أو سكت
عمّْر قلبك بالإيمان وثبّْت
وخليك ظريف فكل وقت
حلاوة اللسان تذوب القلوب
مرارتو تخلي وجودك ما مرغوب
الله يحلي كلامنا ديما
ونديرو لراسنا قيمة
نحبو بلا نفاق ولا كذوب.
كلمات: خديجة باحو
تعليقات
إرسال تعليق