الدنيا للأديب المبدع د.عبدالرحمن خضور
(الدنيا)
دنيا أيامها سريعة وكتير دوارة
دواليبها بتطحن كتير من البشر
ناس متحصنة بقلعة جبارة
وناس بنت كل بيوتها من حجر
ناس نسيت الآخرة ياخسارة
والفائز فيها من مشي كمالله أمر
الفاشل من اتبع الغيّ وأشراره
ونهاية طريقو. كان كلّو منحدر
يابخت من للخير...... معمر دياره
ودرب الهدى . آمن فيه مابينكسر
بهي الدنايا لكل إنسان اضبارة
مكتوب فيها قديش مقدرلو عمر
وفيها طريقو ملون. بألوان نوَّاره
ألوان أعمالو خير أو شر. بتنذكر
سياج طريقك.زيّنه بالورد وأزهاره
بالمحبة وبفعل الخير. حتى الكبر
بيكون بستانك. قوية أسواره
وأعمالك بتحميك من عذاب القبر
(عبد الرحمن خضور)
تعليقات
إرسال تعليق